Bønder i byd'n – Bergen matfestival 2006 – ei undersøking blant publikum og utstillarar

Abstract

På oppdrag frå landbruksavdelinga i Hordaland har NILF utført ei undersøking blant småskalaprodusentar og publikum under arrangementet «Bønder i byd’n – Bergen matfestival » i 2006. Festivalen har vore arrangert fem gonger i si noverande form med Fylkesmannens landbruksavdeling i Hordaland som arrangør i samarbeid med landbruksavdelinga i Sogn og Fjordane, samt ei rekkje andre samarbeidspartnarar. For å finne ut kva utstillarane og publikum tykte, intervjua vi 38 småskalaprodusentar og 47 vitjande under festivalen. Dei fleste av spørsmåla hadde kategoriserte svaralternativ, medan nokre hadde opne svaralternativ. Respondentane fekk også komme med utdjupande kommentarar om arrangementet. […]