Volum- og prisindeksar for jordbruket. Rekneskapsåra 1959-2016. Budsjettåret 2017
Abstract
For visse føremål er det av interesse å vite korleis prisar (og tilskot) har utvikla seg over tid, uavhengig av endringar i mengdene av produserte varer/tenester eller bruken av innsats-faktorar. I tillegg til at utviklinga i prisar (og tilskot) for varer/tenester eller grupper av varer/-tenester kan vera av interesse, kan det også vera av interesse å vite korleis endringar i prisar (og tilskot) isolert sett har påverka resultatmåla for økonomien i jordbrukssektoren. Slik volumfast utvikling kan visast i prisindeksar.
Tilsvarande kan det vera av interesse å vite korleis produserte mengder og bruk av innsats-faktorar har utvikla seg og den isolerte verknaden på resultatmåla av endringane i mengder. Altså korleis resultatmåla ville ha utvikla seg dersom det ikkje hadde vore endringar i prisar (og tilskot). Volumindeksar visar slik prisfast utvikling.
Budsjettnemnda for jordbruket reknar ut indeksseriar for volum- og prisutviklinga i jord-bruket på grunnlag av jordbrukets totalrekneskap og totalbudsjett (Totalkalkylen).