Marknadstilpassing gjennom nye kontraktsformer i jordbruket

Abstract

Bakgrunnen for prosjektet er at ein ser at forholdet mellom primærprodusentar og foredlings- og omsetningsleddet, som lenge var relativt stabilt, endrar seg. Desse endringane kan påverke bruken av kontraktar. Hovudformålet med denne rapporten er å drøfte og svare på følgjande spørsmål: Kva for kontraktformer mellom primærprodusent og kjøpar kan fungere i ein situasjon med strengare krav til marknadstilpassing? For å sikre eit forskingsopplegg som var handterleg og kunne gjennomførast, konkretiserte vi dette generelle spørsmålet i følgjande oppgåver: • Analysere drivkrefter som skaper behov for endringar i eksisterande kontraktsformer eller nye kontraktsformer • Kartleggje etablerte kontraktsformer i kjøt-, meieri-, frukt- og grønt-, og kornsektoren • Drøfte eigenskapar ved dei enkelte kontraktsformene og konsekvensar for kontraktspartane når det gjeld forhold som leveringsvilkår, incentiv, risiko, osb. […]