Apple cultivar evaluation for commercial growing in Norway

Abstract

Nibio Ullensvang har i perioden 2008-2017 gjennomført rettleiingsprøving av samla 20 eplesortar og -seleksjonar. Føremålet var å skaffa norske fruktdyrkarar sortar som gjev stor avling med kvalitetsfrukt og er tilpassa det norske klimaet. Sortane vart poda på den svaktveksande grunnstamma M9. Pomologiske karakterar og fruktkvalitet vart vurderte og detaljert informasjon om dei ulike sortane er gjeve i denne rapporten. Sortane Rubinstep, Your Choice og Aroma ‘Fagravoll’ vert tilrådde til kommersiell fruktdyrking. Sorten Blyberg er tilrådd for småhagebruket medan sortane Lotos og Wellant bør prøvast vidare. På grunn av svak fruktkvalitet og sein modning er fylgjande sortar og utval ikkje tilrådde for dyrking under norske tilhøve: L II 3/05-09, Sonja, L II 1/08-09, NA 42-51, MA982 06059, Ritt Bjerregaard, Dalili Ambassy, Initial, Gala Must, Topas, Greenstar og Kanzi.